वैशाख २५, गोरखा ।
पक्राउ परेका यातायात व्यवसायीलाई बिना शर्त रिहाइको माग गर्दै आह्वान गरेको यातायात बन्दका कारण आज तेस्रो दिन पनि गोरखाको जनजीवन प्रभावित बनेको छ ।
बन्दका कारण जिल्लामा लामो तथा छोटो दुरीका सार्वजनिक सवारी साधन नचल्दा यात्रुले सास्ती भोग्नु परेको छ ।
आरुघाट यातायात प्रालिको बस संचालनमा अवरोध गर्न गएका आफ्ना २३ जना व्यवसायी प्रक्राउ परेको विरोधमा पृथ्वीराजमार्ग बस संचालक समिति र गोरखा यातायातले
बन्दको आव्ह्रान गरेका हुन् ।
पक्राउ परेकालाई विनाशर्त रिह गर्नुपर्ने उनीहरुको माग छ । गोरखा यातायात र पृथ्वीराजमार्ग बस संचालक समितिको सिन्डिकेटको पक्षमा स्थानीय राजनीतिक दलले समेत साथ दिएका छन् ।
प्रक्राउ परेकाहरु विरुद्ध प्रहरीले सार्वजनिक अपराधको मुद्दा दर्ता गरि सकेको छ । मुद्दा फिर्ता भएमात्रै तीन दिन देखिको बन्द खुलाउने यातायात व्यवसायीको भनाई छ ।
