काठमाडौ १५ वैशाख ।
प्रधानमन्त्री केपि शर्मा ओलीले भुकम्प प्रभावित क्षेत्रको पुननिर्माणका लागी आफ्ना कार्यकर्ता परिचालन गर्न सबै राजनितिक दललाई आग्रह गर्नुभएको छ ।
भुकम्प प्रभावित क्षेत्रमा खटिने ईन्जिनियरहरुलाई दिएको तालिम समापन कार्यक्रममा बोल्दै प्रधानमन्त्रीले पुननिमर्माणलाई प्रधावकारी बनाउन सबै राजनितिक दललाई कार्यकर्ता खटाउन आग्रह गर्नुभएको हो ।
उहाले अब कुरा नभएर काम गर्ने समय आएको भन्दै भुकम्प प्रभावित क्षेत्रमा प्रत्येक दलबाट स्वयमसेवक परिचालन गरेर पुननिर्माणमा राजनैतिक सहमती र एकता देखाउन आवश्यक रहेकोमा जोड दिनुभयो ।
प्रधानमन्त्री ओलीले पुननिर्माणको काम गर्दा भुकम्प प्रतिरोधि संरचना निर्माणमा ध्यान दिन आग्रह गर्दै अहिले खटिने ईन्जिनियरहरुलाई ईमान्दारीत पुर्वक जनताको सेवा गर्न निर्देशन समेत दिनुभएको छ ।
यस्तै कार्यक्रममा राष्ट्रिय पुननिर्माणका प्राधिकरणका कार्यकारी निर्देशक शुसिल ज्ञवालीले नवनियुक्त ईन्जिनिरहरुले भुकम्प प्रतिरोधात्मक भवन निर्माणमा प्राविधिक सल्लाह दिने ,अनुदान रकम वितरण गर्ने तथा जनतासँगको समन्वयमा काम गर्ने बताउनु भयो ।
सरकारले भूकम्प अति प्रभावित जिल्लाका वडामा दुई जना ईन्जििनीयर सहित १३ सय ४६ जना कर्मचारी परिचालन गरेको निर्देशक ज्ञवालीले जानकारी दिनुभयो ।
निजी आवास पुनरनिर्माणका लागि ११ सय इन्जिनियर दुई दिन सम्म तालिम दिईएको थियो । उनीहरु भोलीबाट कार्यस्थलमा खटिने भएका छन् ।
सरकारसँगको समन्वयमा प्राधिकरणले विज्ञद्धारा तालिम प्राप्त इनिजनियरहरुलाई अनुदान पाउन योग्य भूकम्प प्रभावित ११ जिल्लामा निजी आवास निर्माणमा प्राविधिक सहयोगका लागि पठाउने भएको हो ।
प्रभावित जिल्लामा खटिने ईन्जिनियरहरुलाई प्रधानमन्त्री ओलीले आजै बिदाई गर्नुभयो । अमेरिकी सहयोग नियोग युएसएडको आर्थिक सहयोगमा तालिम पाएका इनिजनियरले गाउँ गाउँमा पुगेर भूकम्प प्रतिरोधि निजी आवास निर्माणमा प्राविधिक सहयोग पुर्याउने छन् ।
