काठमाडौ ,१५ वैशाख ।
मधेशी मोर्चा तथा विभिन्न जनजाति दल आवद्ध संघिय गठबन्धले आजबाट दोस्रो चरणको आन्दोलनका कार्यक्रम सुरु गरेको छ ।
प्रदेश सिमांकन लगायत विभिन्न माग राखी लामो समयदेखि आन्दोलन गर्दै आएका गठबन्धनले पूर्व घोषित कार्यक्रम अनुसार आजबाट दोस्रो चरणको आन्दोलन सुरु गरेको हो ।
आज देशभरिका जिल्ला प्रशासन कार्यलय मार्फत प्रधानमन्त्रीलाई २६ बुँदे मागसहितको ज्ञापनपत्र बुझाउने तयारी भएको गठबन्धनका प्रवक्त पर्शुराम तामाङले जानकारी दिनुभयो ।
आफूहरुको आन्दोलन शान्तिपूर्ण हुने गठबन्धनले दावी गरेको छ । यसअघि पहिलो चरणमा मधेशी मोर्चाले सिमा केन्द्रित गरेको आन्दोलन हिंसात्मक बनेको थियो ।
दोस्रो चरणको आन्दोलन राजधानी केन्द्रित गर्ने भनिएकोमा क्षेत्रियस्तरमा विकेन्द्रिकृत गरिएको छ । आफूहरुको माग सम्बोधन नभएसम्म आनदोलन जारी रहने गठबन्धनले जनाएको छ ।
आन्दोलनका कार्यक्रम अनुसार वैशाख १७ गते विभिन्न जिल्लाका सरकारी कार्यलयहरुमा कालो झन्डा गाड्ने गठबन्धनको तयारी छ ।
