काठमाडौ ९ वैशाख ।
दोस्रो चरणको आन्दोनको तयारीमा रहेको मधेशी मोर्चाले आज नेपालस्थित विदेशी कुटनितिक नियोगका पदाधिकारीहरुसँग भेट गर्दैछ ।
आफूहरुको माग र आन्दोलनबारे कुटनितिज्ञहरुलाई प्रष्ट पार्ने उदेश्यले भेट गर्न लागिएको मोर्चा आवद्ध दल संघिय समाजवादी फोरमका अध्यक्ष उपेन्द्र यादवले जानकारी दिनुभयो ।
राजधानीको लाजिम्पाटस्थित होटल र्याडिसनमा अपरान्न ३ बनेपछि हुने भेटमा मुलुकको पछिल्लो अवस्था, नयाँ संविधान र मोर्चाले राखेका मागबारे छलफल हुने बताइएको छ ।
कुटनितिज्ञहरुसँगको छलफलपछि मधेशी मोर्चा तथा जनजाति दल आवद्ध संघिय गठबन्धनले आजै आगामी आन्दोलनका कार्यक्रम सार्वजनिक गर्ने तयारी गरेको नेताहरुले बताएका छन् ।
अपरान्ह बस्ने मोर्चाका शीर्ष नेताहरुको बैठक र नेपालस्थित कूटनीतिक नियोगका प्रतिनिधिसंगको छलफलपछि आन्दोलनका कार्यक्रम सार्वजनिक गरिने गठबन्धन आबद्ध सद्भावना पार्टीका महसचिव मनिसकुमार सुमनले जानकारी दिनुभयो ।
यसअघि राजधानी केन्द्रित आन्दोलन गर्ने तयारीमा रहेको गठबन्धन क्षेत्रीयस्तरमा आन्दोलन विकेन्द्रित गर्ने निष्कर्षमा पुगेको छ । यद्यपी आन्दोलनको नेतृत्व कसले लिने भन्ने विषयमा गठबनधन आवद्ध दलहरुबीच नै मतभेद देखिएको छ ।
