काठमाडौ ५ चैत्र ।
सत्तारुढ दल एकिकृत नेकपा माओवादीका अध्यक्ष पुष्पकमल दाहाल र प्रतिपक्षी कांग्रेसका नेता रामचन्द्र पौडेलबीच भेटवार्ता भएको छ ।
लाजिम्पाटस्थित दाहाल निवासमा बिहान करिब एक घण्टा भएको भेटमा संविधान कार्यन्वयन तथा समसामायिक राजनितिक घटनाक्रमका विषयमा छलफल भएको पौडेलका स्वकिय सचिव चीरन्जीवि अधिकारीले जानकारी दिनुभयो ।
सो क्रममा नेता पौडेलले सरकारको कामकारबाही जनमुखी हुन नसेको भन्दै सरकारको काम कारबाहीलाई प्रभावकारी बनाउन दाहालको ध्यानाकर्षण गराउनु भएको थियो ।
नेता पौडेलले अझैपनि सर्वसाधारणले सहज रुपमा ग्यास पाउन नसकेको र कालोबजारी मौलाउदा समेत सरकारले उचित कदम चाल्न नसकेको भन्दै असन्तुष्टी व्यक्त गर्नुभएको थियो ।
संविधान कार्यनवयका लागि प्रतिपक्षी कांग्रेसलाई समेत वर्तमान सरकारमा सहभागी गराउन पहल गर्ने बताउदै आउनु भएका सत्तासाझेदार एमाओवादी अध्यक्ष दाहालले कांग्रेस नेता पौडेलसँग भेट गर्नु भएको हो ।
