काठमाण्डौं, बैशाख २, २०७३ । हामी सबैको ईच्छा, सर्वसुलभ विद्यालय शिक्षा भन्ने मुल नाराका साथ सरकारले आजबाट विद्यालय भर्ना अभियान सञ्चालन गर्दै छ ।
विशेष स्कुलमा भर्ना नभएका एक सय ३० भन्दा बढी छनौट भएका गॉउहरुमा घर–घरमा गई बालबालिका बिद्यालय भर्नाका लागि आगामी १४ गते सम्म अभियान चलाउने र त्यस भित्र छुटेकालाई फेरी दोस्रो चरणको अभियान चलाईने शिक्षा विभागको भनाई छ ।
विगत १२ वर्षदेखि यस्तो अभियान चलाउने गरिएको छ । यद्यपि अझै पनि ५ लाख ५१ हजार ५ सय ४२ बालबालिकाहरु अझै पनि स्कुल जानबाट बञ्चित रहेको शिक्षा विभागको तथ्यांङक छ ।
राजधानी रहेको काठमाण्डौं जिल्लामा समेत २४ हजार बालबालिका स्कुल जान पाएका छैनन् । रौतहटमा सबै भन्दा बढी २८ हजार बालबालिका विद्यालय जान पाएका छैनन् ।
शिक्षा विभागका निर्देशक बैकुण्ठ अर्यालले विद्यालय भर्ना नहुनेमा सिमान्तकृत र विपन्न वर्गका बालबालिका धेरै रहेको बताउनु भयो ।
