काठमाण्डौ ,२७ चैत ।
सिन्धुलीको भुवनेश्वरी गाविसमा हिजोदेखि सुरु भएको आगलागी अझै नियन्त्रणमा आउन सकेको छैन ।
हिजो विहान १० बजेबाट सुरु भएको आगलागीबाट करिव ४२ घर पूर्ण रुपमा जलेर नष्ट भएको प्रमुख जिल्ला अधिकारी ताराबहादुर कर्कीले जानकारी दिनुभयो ।
जंगल क्षेत्रतर्फ फैलदै गएको आगो नियन्त्रणका लागि बिहानैबाट नेपाली सेना र प्रहरीको टोली परिचालन गरिएको कार्कीले बताउनुभयो ।
स्थानीयले मल बनाउनका लागि पातपतिङ्गर जलाउने क्रममा बालेको आगो हावाहुरीका कारण फैलिएर आगलागी भएको थियो ।
आगलागीबाट भुवनेश्वरी–७ को मुर्कीबेसी र ९ को थाङ्ग्रे तथा रितस्थित दलित बस्ती जलेर ध्वस्त भएका छन् । अहिलेसम्म मानवीय क्षतीको भने कुनै जानकारी नआएको प्रजिअ कार्कीले बताउनुभयो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
