काठमाडौ, २६ चैत्र ।
सर्बोच्च अदालतमा प्रधान न्यायाधिश नियुक्ति गर्ने विषयमा छलफल गर्न संवैधानिक परिषदको बैठक आज बस्दैछ ।
कांग्रेस संसदीय दलको नेतामा शेरबहादुर देउवा निर्वाचित भएसँगै संवैधानिक परिषदले पूर्णता पाएपछि बस्न लागेको हो ।
वर्तमान प्रधानन्याधिश कल्याण श्रेष्ठले उमेरहदका कारण यसै साता अवकाश पाउनेभएपछि वरिष्ठतम न्यायाधिश सुशिला कार्कीलाई नियुक्ति गर्ने विषयमा आजको बैठकमा छलफल हुनेछ ।
संसदीय सुनुवाई समिति गठन नभएको तथा संवैधानिक परिषदे पूर्णता पाउन ढिलाई भएकाले कार्कीको नाम हालसम्म सिफारिस हुन सकेको छैन ।
आजको बैठकले भावी प्रधानन्यायाधिशमा कार्कीको नाम सिफरिस गर्ने जनाइएको छ । कार्कीको नाम सिरफारिस भएपनि संसद सन्चालन सम्बन्धी नियमावली बन्न नसकेकाले नियुक्ति भने तत्काल नहुने भएको छ ।
नियमावली नबन्दासम्म सर्बोच्चको २५ औं तथा मुलुककै पहिलो महिला प्रधान्यायाधिश बन्न लाग्नु भएका कार्कीले कार्यबाहकको जिम्मेवारी समाल्नु हुनेछ ।
