काठमाडौ २५ चैत्र ।
कानुन व्यवसायीहरुको छाता संगठन नेपाल बार एसोसिएसनको नयाँ नेतृत्व चयनका लागि भएको निर्वाचनको मतगणना आज सकिदैछ ।
मोरङ, सिरहा, काठमाडौ र पुनरावेदन पाटन केन्द्रको मात्र मत गन्न बाँकी रहेकाले साँझसम्ममा परिणाम सार्वजनिक हुने निर्वाचन समितिले जनाएको छ ।
बाँकी रहेका केन्द्रको मतगणना बिहान ९ बजेपछि सर्बोच्च अदालतको परिसरमा सुरु हुनेछ । हालसम्मको मतपरिणाम अनुसार लोकतान्त्रिक समुहका तर्फबाट अधिवक्ता शेरबहादुर केसीको प्यानलले अग्रता कायम राखेको छ ।
हिजोसम्मको गणना अनुसार केसीले ९ सय ९७ मत प्राप्त गर्नुभएको छ भने अर्का प्रत्यसी वर्तमान अध्यक्ष विजयकान्त मैनालीले ८ सय ५० मत पाउनु भएको प्रमुख निर्वाचन अधिकृत हरिकृष्ण निरौलाले जाकारी दिनुभयो ।
पदाधिकारी सहित २५ नयाँ कार्यसमितिका लागी ७१ जना चुनावी प्रतिस्पर्धामा छन् । गत शनिबार सम्पन्न निर्वाचनमा कुल मतदाता सङख्या ९ हजार पाच सय २२ मध्ये सात हजार ८ सय ४५ मत खसेको थियो ।
