काठमाण्डौ ,२४ चैत्र ।
कूटनीतिज्ञ डा.भेषबहादुर थापाको संयोजकत्वमा गठित प्रबुद्ध समूहको नेपाली पक्ष र परराष्ट्रमन्त्री कमल थापाबीच परराष्ट्र मन्त्रालयमा छलफल भईरहेको छ ।
सन् १९५० को सन्धि लगायत नेपाल–भारतबीच भएका सन्धिरसम्झौता एवं सम्बन्धका सबै आयाम पुनरावलोकन तथा समयानुकूल समीक्षा गर्न नेपाल सरकारले सो समुह गठन गरेको थियो । त्यसमा सुर्यनाथ उपाध्याय, निलाम्बर आचार्य, राजन भट्टराई समेत सदस्य छन् ।
भारतमा पनि एक महिनाअघि नेपाल मामिला जानकार एवं भारतीय जनता पार्टीका नेता भगतसिंह कोस्यारीको संयोजकत्वमा चार सदस्यीय समूह गठन भइसकेको छ ।
भारतीय प्रबुद्ध समूहको कार्यालय रक्षा मामिला अध्यन निकाय (आईडीएसए) परिसरमा राखिने भएको छ । समूहमा नेपालका लागि पूर्वराजदूत जयन्त प्रसाद र नेपाल मामिलाका जानकार डा.महेन्द्र पी लामा तथा प्राध्यापक बीसी उप्रेतीसमेत रहेका छन् ।
