काठमाण्डौ ,२३ चैत ।
युरोपियन युनियन सम्बद्ध देशका राजदुतहरुले नेपालीको मन दुखाउने आफुहरुको उदेश्य नरहेको बताएका छन् ।
उप्रप्रधान तथा परराष्ट्रमन्त्री कमल थापा र ईयुका राजदुतहरुसँग आज भएको छलफलमा उनीहरुले नेपालको आन्तरिक मामिलामा हस्तक्षेप गर्ने र नेपालीको मन दुखाउने उदेश्य नरहेको स्पष्टीकरण दिएका हुन् ।
सो क्रममा परराष्ट्रमन्त्री थापाले नेपालको अन्तरिक मामिलामा चासो राख्नु र बिज्ञप्ती नै जारी गर्नु गलत भएको भन्दै युयुको यस्तो कदमप्रति नेपाल दुखित भएको बताईएको जनाईएको छ ।
भारत र युयुले विज्ञप्ती जारी गरि नेपालको संविधानलाई अपूर्ण भनिएको बिषयमा बुझ्न परराष्ट्रमन्त्री थापाले आज ईयुका राजदुतलाई बोलाउनु भएको थियो ।
केहि दिन अघि भारत र युरोपियन युनियन (ईयु)ले संयुत्त रुपमा बत्तव्य जारी गरि नेपालको नयाँ संबिधान अपूर्ण भएकोले तोकिएको समयभित्रै यसलाई परिमार्जन गर्न भनिएको थियो ।
युरोपियन युनियनले पहिले नै नेपालको संबिधानको स्वागत गरेपनि भारतसँगको संयुत्त बक्तव्यमा संबिधान अपूर्ण भनेको थियो ।
