काठमाडौ २३ चैत्र ।
कानुन व्यवसायीहरुको छाता संगठन नेपाल बार एसोसिएसनको नयाँ नेतृत्व चयनका लागि भएको निर्वाचनको मतगणना आज हुदैछ ।
बिहान ९ बजेपछि सर्बोच्च अदालतको परिसरमा मतगणना सुरु हुने निर्वाचन समितिले जनाएको छ । २५ सदस्यीय नयाँ कार्यसमितिका लागि मुलुकभर ३३ केन्द्रमा भएको निर्वाचनको मतपेटिका राजधानी आइपुगिसकेको छ ।
बारको नयाँ नेतृत्वका लागि चार जना अध्यक्षका प्रत्यसी चुनावी मैदानमा रहेका छन् । बृहत लोकतान्त्रिक कानुन व्यवसायीको समुहबाट अधिवक्ता शेरबहादुर केसी र बृहत प्रगतिशील पेसागत राष्ट्रवादी तथा गणतान्त्रिक कानुन व्यवसायी समुहबाट अधिवक्ता बिजयकान्त मैनाली प्रतिस्पर्धामा हुनुहन्छ ।
यस्तै पहिचान एवं संघियतावादी समुहबाट अधिवक्ता मनोहर साह र कानुन अध्यन समाज नेपालका तर्फबाट अधिवक्ता रामप्रसाद प्रजापति पनि अध्यक्षको प्रतिस्पर्धामा हुनुहन्छ ।
पदाधिकारी सहित २५ नयाँ कार्यसमितिका लागी ७१ जना चुनावी प्रतिस्पर्धामा छन् । निर्वाचनमा कुल मतदाता सङख्या ९ हजार पाच सय २२ मध्ये सात हजार ८ सय ४५ मत खसेको थियो ।
