काठमाडौ १७ चैत्र ।
पार्टी संसदीय दलको चुनावका विषयमा देखिएको विवाद समाधानका लागि कांग्रेस सभापति शेरबहादुर देउवा पक्षीय नेताहरुले अहिले नेता रामचन्द्र पौडेलसंग छलफल गर्दै हुनुहुन्छ ।
बोहराटारस्थित पौडेल निवासमा जारी छलफलमा दलको नेता र कार्यसमिति नभएका बेला पार्टी विधान संशोधनको अडान जायज नभएको भन्दै देउवा पक्षले नेता पौडेललाई मनाउने प्रयास गरिरहेको बताइएको छ ।
पार्टीको विधान संशोधन गरेर मात्र चुनाव गर्नुपर्ने अडानमा रहनु भएका पौडेलसँग छलफलका लागि सभापति देउवाल नेताहरु बिमेलन्द्र निधि, खुमबहादुर खड्का र गोपालमान श्रेष्ठलाई जिम्मा दिनुभएको छ ।
देउवा पक्षले पहिले संसदीय दलको नेता र कार्यसमिति चयन भएपछि मात्र विधान संशोधन गर्नुपर्ने बताएपनि पौडेल पक्ष भने तत्काल विधान संशोधन हुनुपर्ने अडानमा छ । कंग्रेसले यही चैत्र २४ गते संसदीय दलको निर्वाचन गराउने तालिका सार्वजनिक गरिसकेको छ ।
