काठमाडौ १६ चैत्र ।
पत्रकारहरुको छाता संगठन नेपाल पत्रकार महासंघले आज आफ्नो ६१ औं स्थापना दिवस मनाउदै छ । दिवसका अवसरमा मुलुकभर विविध कार्यक्रमको आयोजना गरिएको छ ।
महासंघ केन्द्रिय कार्यसमितिले दिवसका अवसरमा आज बिहान राजधानीमा प्रभातफेरि निकालिएको छ । राजधानीको भृकुटीमण्डपबाट सुरु भएको प्रभातफेरि शान्तिवाटिकामा पुगेर सभामा परिणत भएको थियो ।
सभालाई पूर्वसभापति हरिहर बिरही, महासंघ अध्यक्ष महेन्द्र बिष्टा लगायतले सम्बेधन गर्नु भएको थियो ।
सभालाई सम्बोधन गर्दै महासंघका अध्यक्ष बिष्टाले श्रमजीवी पत्रकारहरुको हक हित, प्रेस स्वतन्त्रता र नागरिक अधिकारको रक्षाका लागि सशक्त रुपमा लाग्ने प्रतिवद्धता जनाउनु भयो ।
दिवसकै अवसरमा भोली सन्चारकर्मी र राजनीतिकर्मीबीच मैत्रीपूर्ण फूटबल हुने महासंघले जनाएको छ । खेल दिउँसो ३ बजेपछि राजधानीको दशरथ रंगाशालामा हुनेछ ।
