चैत्र १४ काठमाण्डौं ।
प्रधानमन्त्री केपी शर्मा ओलीले आफ्नो चीन भ्रमण सफल भएको बताउनु भएको छ । साताव्यापी चीन भ्रमण सकाएर आज स्वदेश फर्किने क्रममा त्रिभूवन अन्तर्राष्ट्रिय विमानस्थलमा सन्चारकर्मीहरुसँग कुरा गर्दै उहाँले सो कुरा बताउनु भएको हो ।
प्रधानमन्त्री ओलीले चीनमा पारवहनलगायत महत्वपूर्ण सहमति र सम्झौता भएको उल्लेख गर्नुभयो । भ्रमणमा उल्लेख्य सहयोग जुटाउन सक्षम भएको प्रधानमन्त्री ओलीको भनाई छ ।
प्रधानमन्त्रीलाई सभामुख ओनसरी घर्ति, उपप्रधानमन्त्री विजयकुमार गच्छदार लगायत उपप्रधानमन्त्रीहरु, मन्त्रीहरु, सांसद, एमालेका नेताहरु तथा उच्च सरकारी अधिकारीले स्वागत गरेका थिए ।
गत चैत्र ७ गते चीन जानु भएका प्रधानमन्त्रीले आफ्नो भ्रमणका क्रममा त्यहाँका राष्ट्रपति सि जिन पिङ, समकक्षी लि खछ्याङ लगायतका उच्च अधिकारीहरुसँग भेटवार्त गर्नुभएको थियो ।
सो क्रममा नेपाल र चीनबीच पारबहन तथा व्यापार, पेट्रोलियम पदार्थको उत्खननका लागि सहयोग लगायत विभिन्न १० बुदे समझदारी पत्रमा हस्ताक्षर समेत भएको थियो ।
