बिक्रेता कम्पनीका अनुसार उक्त कार सेतो, सिल्भर, रातो, सुन्तले तथा ग्रे रंगमा उपलब्ध हुने छ। केयुभी–१०० बजारमा उपलब्ध अन्य कम्पनीका हुण्डाइ आई–१०, मारुती सुजुकी स्वीफ्टलगायतसँग प्रतिस्पर्धी रहनेछन्। तर, उक्त कारको फ्रन्ट फेस यी कारहरुभन्दा भिन्न रहेको र यसको अन्यभन्दा भिन्न रहेको छ। कम्पनीले जारी गरेको प्रेसविज्ञप्ती अनुसार उक्त कार आकर्षक रहेकोले यसले उपभोक्तालाई लोभ्याउने छ।

बिक्रेता कम्पनीका अनुसार उक्त केयुभी कारको अघिल्लो मोहडा हेर्दा झण्डै एक्सयुभी–५०० को कम्प्याक्ट भर्सन जस्तो देखिने छ। भारतमा १६ जनवरी २०१६ मा सार्वजनिक गरिएदेखि हालसम्म यो २५ हजार कार बिक्री भइसकेको र यसको बुकिङ निरन्तर चलिरहेको छ।

नेपालमा पनि केयुभी–१०० ले महिन्द्राका अन्य सवारीहरुले जस्तै नेपाली उपभोक्ताको मन जित्ने दाबी गरिएको छ। उक्त कारले नेपाली बजारमा अन्य कारहरुभन्दा छुट्टै पहिचान बनाउन सफल हुने र यसको मूल्य पनि सवारी खरिदकर्ताका लागि आकर्षणको अर्को कारण हुने कम्पनीको दाबी छ।

अग्नी इन्कर्पोरेटेडले सन् १९९१ देखि नै नेपाली ग्राहक तथा उपभोक्ताका लागि महिन्द्रा कम्पनीका सेवा तथा सवारीहरु उपलब्ध गराउँदै आएको छ।