काठमाण्डौ ,११ चैत ।
ब्यावस्थापिका संसदको बिधायन समितिले नयाँ बन्ने कानुनबारे आजदेखि पहिलोपटक बिज्ञ सहितको सुझाव लिन लागेको छ ।
मुलुकी ऐनलाई प्रतिस्थापन बारे जनमत बुझ्न संसदिय टोली मुलुकका बिभिन्न स्थानमा खटिनेछन् । मुलुकका बिभिन्न १७ स्थानमा पुगेर आजदेखि १६ गते सम्म सुझाव संकलन गरिनेछ ।
बिधायन समिति सदस्य तथा समिति अन्तरगतको पाँच उपसमिति मध्ये सजाय निर्धारण तथा सजाय कार्यान्वयन समितिका संयोजक समेत रहेका रामनारायण बिडारीले आजबाट पूर्वी तराईका जील्लमा अन्तरक्रिया सहित सुझाव लिने बताउनु भयो ।
आगामी बैशाख सम्ममा सुझाव संकलन सकेर असोजमा संसदको पुर्ण बैठकमा परिमार्जित विधेयक पेस गरीने उहाले बताउनु भयो ।
सुझाव संकलनका लागी पाचँ वटै उपसमितिका संयोजक ,समितिका सदस्य तथा विज्ञ सम्मिलित २१ जनाको टोली खटिने भएको छ । पूरानो ऐनमा कानुनी व्यावस्था ,कार्यबिधि तथा दण्ड ,जरीवाना सजाय र कार्यान्वयन एकै ठाउमा भएकाले झन्जटिलो भएपछि परिमार्जन गर्न लागीएको हो ।
