रुकुम, ७ चैत्र ।
रुकुमको रन्मामैकोटमा पहिलो पटक यार्सा महोत्सव आयोजना हुने भएको छ । जिल्लाको उत्तरपुर्वि भेगस्थित रन्मामैकोट गाविसमा आयोजना हुने यार्सा महोत्सव नेपालको ईतिहासमै पहिलो पटक हुन लागेको हो ।
पुपाल यार्सा महोत्सव २०७३ मुल आयोजक समितीले आज राजधानीमा गरेको यार्सा महोत्सव विषयक अन्तकृयामा सो बारे जानकारी गराईएको छ । त्यस क्षेत्रको पर्यटकीय सम्भाव्यता र पुपाल यार्सा महोत्वसको व्यवस्थापनका लागी ३५ सदस्यीय महोत्सव मुल आयोजक समिती गठन समेत गरिएको छ ।
जस अनुसार १३ सदस्यीय सचिवालय तथा ७ सदस्यीय सल्लाहकारका साथै बिभिन्न ७ ओटा बिभागहरु पनि बनाईएको छ । यार्साको संरक्षण तथा सम्वद्र्धनका लागी महोत्वस आयोजना गर्न लागिएको आयोजक समितीले जनाएको छ । यद्धपी महोत्सव हुने मिति निकट भविस्यमै तोकिने अन्तकृयामा जानकारी गराईएको छ ।
हिमाली तथा पहाडि दुबै भौगालिक बिशेषता बोकेको रुकुममा आर्थिक, पर्यटकीय, बनस्पति, जीवजन्तुको प्रचुर सम्भावना र स्रोतहरु रहेका छन् ।
