काठमाडौ, ६ चैत ।
नेकपा एमालेका महासचिव ईश्वर पोखरेलले मुलुकलाई समृद्धितर्फ डो¥याउनका लागि कृषि, पर्यटन, ऊर्जा र उद्योग क्षेत्रको विकासमा अग्रसर हुनुपर्ने बताउनुभएको छ ।
प्रेस चौतारी मोरङले आज विराटनगरमा आयोजना गरेको पत्रकार भेटघाट कार्यक्रममा बोल्दै उहाँले यसका लागि सही योजना कार्यान्वयनका लागि एमालेले भूमिका निर्वाह गरिरहेको बताउनुभयो ।
वर्तमान सरकारले नै आगामी संसदीय दलको निर्वाचन गराउने स्पष्ट पार्नुहुदै पोखरेलले संविधान कार्यान्वयनका लागि नेपाली काँग्रेसलाई पनि सरकारमा सामेल हुन आग्रह गर्नुभएको छ ।
मधेसी मोर्चाको आन्दोलनको एजेनड प्रष्टा नभएको बताउनु हुदै उहाँले आन्दोलन मर्यादित, लोकतान्त्रिक तथा सामाजिक सद्भाव नखलबलाउने खालको हुनुपर्नेमा जोड दिनुभयो ।
महासचिव पोखरेलले प्रधानमन्त्री ओलीको आसन्न चीन भ्रमणका क्रममा दुई देशबीचको सम्बन्धलाई सुदृढ बनाउन र असन्तुलित सम्बन्धलाई राम्रो बनाउन, पारवाहन लगायत सम्झौता हुने बताउनु भयो ।
उहाँले मुलुकमा पर्यटन क्षेत्रको विकासका लागि पार्टीले सञ्चालन दशदिने कोसी–मेची पर्यटन प्रवद्र्धन अभियानबाट पर्यटनको विकासमा थप टेवा पुग्ने विश्वास समेत व्यक्त गर्नु भएको छ ।
