काठमाडौं, चैत्र ५
गौतम बुद्ध लुम्बिनीको कपिलवस्तुमा जन्मेका हुन्, जुन नेपालमा पर्दछ । तर भारतले भने गौतम बुद्ध भारतमा जन्मेको दाबी गर्दै आएको छ ।
पछिल्लो समय उसले ‘बुद्ध भारतमा जन्मेको प्रमाण फेला परेको भन्दै दुष्प्रचारलाई पुनः निरन्तरता दिएको छ ।’ भारतले उत्तर प्रदेश राज्यमा नक्कली कपिलवस्तुसमेत बनाएको छ । यति मात्र नभई उसले सिदार्थनगरमा कपिलवस्तु संग्रहालयसमेत आजबाट सञ्चालनमा ल्याएको छ ।
उसले संग्रहालयभित्र तीन वटा ग्यालरी बनाएको छ । जहाँ गौतम बुद्धको जीवनको विभिन्न पक्षलाई समेटेको छ । सन् २००९ देखि नै भारतले यसको निर्माण थालेको थियो । संग्रहालय छ हजार वर्गमिटरमा फैलिएको छ । त्यहाँ भारतले करिब ४० वर्ष पहिला भेटेको दुई चीजलाई प्रमाणका रूपमा पेस गर्दै बुद्ध भारतमै जन्मेको दाबी गरेको छ ।
सन् १९७० को दशकमा गरिएको अन्वेषणका क्रममा भेटिएका दुई शिलामा नै भारतको प्रमाण अडेको छ । पहिलो शिलामा ‘ओम देभपुत्र विहार कपिलवस्तु संघ’ लेखिएको छ भने अर्कोमा ‘महा कपिलवस्तु विखु संघ’ लेखिएको छ । यो समाचारलाई अधिकांश भारतीय मिडियाले प्राथमिकताका साथ प्रचार गरिरहेको छ ।
