काठमाडौं ५ चैत्र ।
सत्तारुढ दल एकीकृत नेकपा माओवादीको केन्द्रिय कार्यसमितिको बैठक भोली बिहान ११ बजेसम्मका लागि स्थगित भएको छ ।
पार्टी स्थायी कमिटीको बैठक बस्नु पर्ने भएकाले आजका लागि तय भएको कार्य समिति बैठक स्थगित गरिएको पार्टी केन्द्रिय कार्यलय स्रोतले जनाएको छ ।
स्थायी कमिटीको बैठक आज दिउँसो २ बजेपछि पार्टी केन्द्रिय कार्यलय पेरिसडाँडामा बोलाइएको छ । बैठकमा ३ महिने सांगठनिक अभियानका साथै भावी रणनितिका बारेमा छलफल हुने बताइएको छ ।
यसअघि हिजो बसेको स्थायी कमिटी बैठकले सरकारको काम कारबाहीका बारेमा समीक्षा भएको थियो । बैठकले कमजोरी सुधार्दै जनताको पक्षका काम गर्न हदैसम्म प्रयत्न गर्ने निष्कर्ष निकालेको छ ।
आजको केन्द्रिय कमिटी बैठकमा मुलुकको पछिल्लो राजनीतिक अवस्था, वर्तमान सरकारको काम कारबाहीको समीक्षा लगायत विषयमा छलफल हुने एजेन्डा राखिएको थियो ।
