काठमाडौ ३ चैत्र ।
चुरे भावर राष्ट्रिय एकता पार्टी नेपालले प्रधानमन्त्री केपी शर्मा ओलीलाई चीनसँग इन्धन आयत सम्बन्धी सम्झौता गर्न सुझाव दिएको छ ।
आज बिहान एक विज्ञाप्ती जारी गर्दै पार्टी अध्यक्ष बद्रि न्यौपानेले मित्र राष्ट्र चीनको भ्रमणका बेला इन्धनका साथै अन्य व्यापारिक सम्झौता गर्न सुझाव दिनु भएको हो ।
नेपालको भूमि लिपुलेकमा चीन र भारतले व्यापारिक नाका खोल्न गरेको सम्झौताका विषयमा पनि गम्भीर रुपमा कुरा उठाउन पनि सो पार्टीले माग गरेको छ ।
यस्तै नेपालको हितविपरित गरिएका सम्झौतालाई प्रधानमन्त्री ओलीको आसन्न भ्रमणका बेला कुटनीतिक माध्यम मार्फत समाधान आग्रह गरिएको छ ।
प्रधानमन्त्रीले आफ्नो मुलुकको स्वार्थ, राष्ट्रियता, स्वाधिनताका साथै वाणिज्य तथा पारवहनको विषयलाई ध्यान दिइ अगाडि बढ्नुपर्ने अध्यक्ष न्यौपानेको सुझाव छ ।
दुई मुलुकबीचको हित र जनताको आवश्यक्ताअनुसार अगाडि बढ्नु नै अहिलेको प्रमुख दायित्व भएको विज्ञप्तिमा उल्लेख छ ।
