भक्तपुर, चैत्र १ ।
नेपाली कांग्रेसका नवनिर्वाचित केन्द्रीय सदस्य मिन विश्वकर्माले राष्ट्रिय सरकारको नेतृत्व नेपाली कांग्रेसले गर्ने बताउनु भएको छ ।
रफत सञ्चार क्लवले आयोजना गरेको साक्षात्कार कार्यक्रममा बोल्दै उहाँले महाधिवेशनसँगै कांग्रेसले संसदीय दलका नेता चयन गर्ने र तत् पश्चात ठूलो दलका हैसियतले राष्ट्रिय सरकारको नेतृत्व गर्ने दाबी समेत गर्नुभयो ।
केन्द्रीय सदस्य विश्वकर्माले कांग्रेसको केन्द्रीय कमिटीले कांग्रेसका लोकप्रिय नेता खुमबहादुर खड्कामाथि शाही शासनकालमा पुर्वाग्राही रुपमा आरोप लगाउँदै खड्कालाई सजाय भोग्न बाध्य पारिएको बताउनुभयो ।
सरकार कालो बजारीको संरक्षणमा लागेको आरोप लगाउँदै विश्वकर्माले काँग्रेसले नै अब कालो बजारी अन्त्य गर्ने बताउनुभयो ।
तराई आन्दोलनमा देखिएका जायज मागको सम्वोधन गर्न सक्षम कांग्रेस मात्र एक पार्टी रहेको भन्दै अब काँग्रेसकै पहलमा सबैखाले समस्याको समाधान तत्काल हुने उहाँले बताउनुभयो । कांग्रेसमा ६०÷४० को भागवण्डाको अन्त्य भएको उहांको दाबी छ ।
