काठमाडौ १ चैत्र ।
भुमिसुधार तथा ब्यवस्था मन्त्री रामकुमार सुब्बाले नेपाली काँग्रेसको नेतृत्वमा सरकार बन्ने माहोल बने आफ्नो पार्टीले समर्थन गर्ने बताउनु भएको छ ।
रिपोर्टर्स क्लब नेपाल सोलुखुम्बुले आज सल्लेरीमा आयोजना गरेको साक्षात्कारमा मन्त्री सुब्बाले आवश्यक परे आफ्नो पार्टीले काँग्रेसलाई पूर्ण समर्थन गर्ने बताउनु भयो ।
नेपालमा अझै पनि हिन्दु अधिराज्यको आवश्यक्ता रहेको भन्दै उहाँले सो अभियानमा सरकार भित्रैबाट भुमिका खेलिरहेको धारणा राख्नु भयो । हिन्दु राज्यबारे सबै जनतालाई सुसुचित गर्न आफुहरुले देश ब्यापि अभियान सञ्चालन गरिरहेको मन्त्री सुब्बाको भनाई छ ।
छिमेकी मुलुक भारतको संस्थापन पक्षको समेत हिन्दु अधिराज्य स्थापना गर्ने सवालमा सद्भाव रहेको भन्दै मन्त्रि सुब्बाले दक्षिणि छिमेकी मुलुकले आफ्नो पार्टीको एजेण्डालाई पूर्ण समर्थन गर्ने जिकिर गर्नुभयो ।
एक अर्को प्रसंगमा मन्त्रि सुब्बाले स्थानीय निकायमा जनप्रतिनिधि नभएकै कारण भुकम्प पछिको पुननिर्माणमा समस्या उत्पन्न भएको बताउँदै पिडितको नाममा आएको सहयोग रकमको दुरुपयोग हुन नदिने बताउनु भएको छ ।
