काठमाडौँ, १ चैत ।
राजधानीमा आजदेखि मेट्रो बस सञ्चालनमा आउदै छ । महानगर यातायात प्रालिले उपत्यकाका यात्रीलाई सहज आवागमनका लागी ३९ वटा मेट्रो बस सन्चालनमा ल्याएको हो ।
सुविधासम्पन्न मेट्रो बसको आईतवार उद्योगमन्त्री सोमप्रसाद पाण्डेले उद्घाटन गर्नुभयो । बस कहाँ आइपुग्दैछ भनेर यात्रुले बस चढ्नका लागि एप्स हेरेर बस आउने समय पत्ता लगाई बस स्टपमा जान सकिने हुँदा लामो समय खर्च गर्न नपर्ने प्रालिले बताएको छ ।
यात्रुले आजदेखि मेट्र बस प्रयोग गर्न पाउनेछन् । ३९ वटा बसका लागि प्रालिले रु १६ करोडको लगानी गरेको पनि जनाईएको छ ।
३९ वटा बसले चक्रपथको परिक्रमा गर्नेछ । बसमा यात्रुले निःशुल्क वाइफाइ प्रयोग गर्दै टेलिभिजन हेर्न पाउनेछन् । बस सञ्चालनमा आएपछि यात्रुलाई सहज हुनुका साथै साना यातायातको साधनबाट हुने ट्राफिक जाम पनि कम हुने प्रालिका उपाध्यक्ष सन्तोष खतिवडाले जानकारी दिनुभयो ।
उपाध्यक्षका अनुसार काठमाडौँ उपत्यकामा राम्रोसँग बस सञ्चालन गर्नसके उपत्यका बाहिर पनि उक्त बस सेवा विस्तार गर्र्ने योजना छ ।
