काठमाडौ ३० फागुन । नेपाली कांग्रेसको १३ औं महाधिवेशन अन्तरगत केन्द्रिय सदस्यका लागि भएको निर्वाचनको मतगणना आज पनि जारी छ ।
सानेपा स्थित पार्टी कार्यलयमा केहिबेरपछि सुरु हुने मतगणनामा आज पनि खुला र प्रदेश तर्फका केन्द्रिय सदस्यको मतगणना हुने निर्वाचन समितिले जनाएको छ । आज राति आबेरसम्ममा भएपनि खुला र प्रदेश तर्फको मतगणना सक्काउने समितिको तयारी छ ।
खुला २५ र प्रदेश तर्फका १४ गरी ३९ सदस्यका लागि भएको निर्वाचनको मतगणना आज सक्नेगरी तयारी भएको समितिका कांग्रेस निर्वाचन समितिका सदस्य गोपालकृष्ण घिमिरेले जानकारी दिनु भयो ।
खुला केन्द्रिय सदस्य तर्फ खसेको ३ हजार मध्ये हालसम्म १ हजार ५ सय मत गणना भएको छ । यस्तै प्रदेशतर्फ ४ सय मत गणना गरिएको समितिले जनाएको छ ।
समावेशी र आरक्षीत गरी २२ जना केन्द्रिय सदस्य निर्वाचित भइसकेका छन् । निर्वाचित भएका सदस्य मध्ये सभापति देउवा पक्षका बढी छन् । खुला र प्रदेश तर्फपनि देउवा पक्षका धेरैले अग्रता लिएका छन् ।
