नेपालगन्ज, २९ फागुन ।
योङ कम्युनिष्ट लिग (वाइसीएल) का अध्यक्ष आरसी शर्माले संविधान कार्यान्वयनका लागि आप्mनो सङ्गठनका कार्यकर्तालाई जनस्तरमा परिचालन गरिने बताउनुभएको छ ।
सो सङ्गठनद्वारा आज यहाँ आयोजित पत्रकार सम्मेलनमा उहाँले भन्नुभयो—‘संविधानको विरुद्धमा मधेसमा विखण्डनकारी चलमलाउँदै गएकाले त्यस्ता प्रवृतिलाई ठेगान लगाउन जनतालाई संविधानले दिएको अधिकारको जानकारी गराउनु अपरिहार्य छ ।’
‘पत्रकारद्वारा सोधिएको प्रश्नको जवाफमा अध्यक्ष शर्माले सरकारले जनताको दैनिक सेवा र सुविधाका विषयमा गम्भीर हुनुपर्ने, तर त्यसो नभएका कारण आप्mनो सङ्गठन सरकारलाई जवाफदेही बनाउन सङ्घर्षमा जाने तयारीमा रहेको छ भन्नुभयो ।’
वाइसीएलको गत फागुन २६ को केन्द्रीय समितिको बैठकले गरेको सात बुँदे निर्णयको कार्यान्वयनका लागि जिल्लास्तरमा कार्यक्रम तय भएको जानकारी गराउँदै उहाँले संस्थागत भ्रष्टाचार र कालोबजारी नियन्त्रण सङ्गठनको सङ्घर्षको प्राथमिकतामा रहेको जानकारी गराउनुभयो ।
सङ्गठनको सो बैठकले भूकम्प प्रभावितको पुनःस्थापना, कालोबजारी नियन्त्रण, चीनसँग सीमा जोडिएका उत्तरी नाका सञ्चालन गर्नुपर्ने लगायतका मागसहित सङ्घर्षका कार्यक्रम तय गरेको छ ।
