दाङ, २४ फागुन । दाङका महिलाले शवदाह गृह निर्माण गरेका छन् । महिलाले नगद तथा श्रमदान गरेर दाङको पातु खोलाको विष्णुमती घाटमा शवदाह तथा मलामी विश्राम गृह निर्माण गरेका हुन् ।
दाङको तुलसीपुर–१० दमारगाउँमा रहेको पुष्पाञ्जलि महिला समूहले रु १५ लाखको लागतमा शवदाह गृह तथा मलामी विश्राम गृह निर्माण गरेका हुन् । विभिन्न सङ्घसंस्था कार्यालयसँग आर्थिक रकम जुटाएर शवदाह गृह निर्माण गरेको समूहका सचिव रेशमी केसीले बताउनुभयो ।
उहाँका अनुसार महिलाले श्रमदान काम तथा सङ्घसंस्थाको सहयोगवाट सो शवदाह गृह निर्माण गरेको बताउनुभयो । “महिलाले पनि समाजिक काममा एक भएर लागे सक्छन् भनेर यस्तो गरेका हौँ”, उहाँले भन्नुभयो ।
मानिसको मुत्यु भएपछि त्यतिकै अव्यवस्थित रुपमा घाट नहुँदा लास जलाउने र त्यसले वातावरण तथा खोला फोहर हुने भएकाले पनि शवदाह गृह निर्माण गरेको केसीले बताउनुभयो । रासस
