काठमाण्डौ, २३ फागुन ।
राष्ट्रिय पुनर्निमाण प्राधिकरणले भुकम्प प्रभावितहरुलाई निजी आवास निर्माणका लागि एक साताभित्र अनुदान दिने प्रक्रिया सुरु गर्ने बताएको छ ।
प्राधिकरणले आज आफ्नै सभाकक्षमा पत्रकार सम्मेलन गरी एक साताभित्र दोलखा जिल्लाको सिंगटी क्षेत्रबाट अनुदान वितरण सुरु गर्ने बताएको हो । २० गतेदेखि वितरण गर्ने भनिएको अनुदान कांग्रेस महाअधिबेसनका कोर एक साता पछि धकेलिएको हो ।
प्राधिकरणका प्रमुख कार्यकारी अधिकृत सुशिल ज्ञवालीले अनुदानको पहिलो किस्ता बैंकमार्फत उपलब्ध गराइने र स्थानीयवासीले आफूलाई अनुकुल हुने समयमा निकालेर घर निर्माणमा खर्च गर्न पाउने बताउनुभयो ।
भुकम्प प्रभावितहरुले अनुदान सहयोग अन्र्तगत दोस्रो किस्तामा ८० हजार र तेस्रो किस्तामा ७० हजार रुपैयाँ पाउने छन् । सरकारले भुकम्प प्रभावितहरुलाई २ लाख रुपैयाँ अनुदान दिने सम्बन्धी कार्याविधि ४ दिन पहिले स्वीकृत गरेको थियो ।
ज्ञवालीले पहिलो चरणमा दोलखाबाट अनुदान वितरण सुरु गरेपनि आगामी वैशाख महिनासम्म काठमाडौ उपत्यका वाहिरका ११ वटै भुकम्प प्रभावित जिल्लाहरुमा अनुदान सम्झौता गर्ने लक्ष्य लिइएको जानकारी गराउनुभयो ।
