काठमाण्डौ,२० फागुन ।
प्रधानमन्त्री केपी शर्मा ओलीले राष्ट्रिय राजनीतिमा नेपाली कांग्रेसको योगदानको चर्चा गर्दै महाधिवेशनबाट कांग्रेसले नीतिगत, ब्यवहारिक र नेतृत्वगत रुपमा सही निर्णय लिने अपेक्षा लिनुभएको छ ।
राजधानीमा आजदेखी सुरु भएको नेपाली काग्रेसको १३ राजमहाधिबेशन उद्घाटन सत्रलाई सम्बोधन गर्दै प्रधानमन्त्री ओलीले यस्तो अपेक्षा ब्यक्त गर्नुभएको हो ।
उहाले कांग्रेसबाट नेपाली जनताले ठूलो अपेक्षा गरेको बताउदै लोकतन्त्रलाई सुदृढ बनाउन कांग्रेस सहित सम्पूर्ण दलसँग सहकार्य गर्न चाहेको बताउनुभयो ।
यस्तै उद्घाटन सत्रलाई सम्बोधन गर्दै भारत बिहारका मुख्यमन्त्री नीतिश कुमारले राष्ट्रिय राजनीतिमा मात्र नभई भारत स्वतन्त्रता आन्दोलनमा समेत कांग्रेसको योगदान महत्वपूर्ण रहेको बताउनु भएको छ ।
बिहारका मुख्यमन्त्री नीतिश कुमारले कांग्रेस महाधिवेशनको सफलताको शुभकामना ब्यक्त गर्दै भारत र नेपालबीचको सम्बन्ध कहिल्यै नटुट्ने बिश्वास ब्यक्त गर्नुभयो ।
नेपालको आन्तिरिक समस्या समाधान गर्न नेपालका नेताहरु सक्षम रहेको भन्दै उहाले सवै भारतीय जनता नेपालको प्रगतीमा साथ रहेको बताउनु भयो ।
यस्तै भारतीय कम्युनिष्ट माक्र्सवादी पार्टीका महासचिव जोगेन्द्र प्रसाद शर्माले नेपाल र भारतबीच चर्चामा रहेको बढेभाई र छोटेभाईको सम्बन्ध लाई आफ्नो पार्टीले समर्थन नगर्ने बताउनुभएको छ ।
बढेभाई र छोटेभाईको सम्बन्धको गलत ढंगले प्रचार गरिएको उहाँको भनाई थियो । यद्यपी उहाँले नेपालीका दुखलाई भने आफ्नो सम्झेर साथ दिने बताउनुभएको छ ।
नाकाबन्दी’ शब्दको प्रयोग गर्दै त्यसले नेपालका जनताले दुख पाएको भन्दै उहाँले भारतीय सरकारको कदमप्रति असन्तुष्टि जनाउनुभयो । उद्घाटन सत्रमा अहिले बिभिन्न दलका प्रतिनिधि तथा बिदेशी प्रतिनिधिहरुले सम्बोधन गर्नेक्रम जारी छ ।
