उस्ताद बुद्धरत्न तुलाधरबाट शास्त्रीय सङ्गीतमा प्रशिक्षित पद्माले विसं २००९ सालमा छात्र सम्मेलनमा स्वर्ण पदक जित्नुभएको थियो ।
विसं २०१६ मा लखनउको भारतखण्डे सङ््गीत विद्यापीठबाट सङ्गीतमा विशारद (बी म्युज) गर्नुभएका पद्माले विसं २०१९ मा आन्ध्रप्रदेशको प्रमुख सहर हैदरावादमा सङ्गीतज्ञ रंगराव कादम्बरीसित विवाह गनुभएको थियो । उहाँका दुई छोरा र एक छोरी छन् ।
नेपालका प्रथम रक सिंगर माइक खड्का र चर्चित गायिका तारा थापा उहाँका साङ्गीतिक शिष्य हुन् । पद्माले २००८ सालदेखि रेडियो नेपालमा गाउँदै आउनुभएको थियो । उहाँ रत्नदास प्रकाशको सङ्गीतमा ‘यो नयनमा एकदिन गङ्गा बग्यो’ गाएर प्रथम हुनुभएको थियो । उहाँ सङ्गीत प्रवीणको उपाधि पाउने पहिलो नेपाली महिला भएको गीतसङ्गीतका अध्येता प्रकाश साय्मी बताउनुहुन्छ ।
उहाँको आजै पशुपति आर्यघाटमा दाहासंस्कार गरिएको छ ।