वीरगन्ज, ९ फागुन । नेपाल मगर संघ बाराको अध्यक्षमा नेत्र बहादुर पुलामी मगर पुनः चयन भएका छन् । शनिबार अवेर राति सम्पन्न पाँचौ जिल्ला अधिवेशनको बन्द सत्रले पुलामी मगरको अध्यक्षतामा २३ सदस्यीय कार्य समिति सर्वसम्मतले चयन गरेको हो । संघको उपाध्यक्षमा नन्द माया तुम्सिङ मगर, सचिवमा मान बहादुर थापा मगर, सहसचिवमा चन्द्रिका पुलामी मगर, कोषाध्यक्षमा सन्त माया थापा मगर चयन हुनु भएको छ ।
त्यस्तै सदस्यहरुमा बाबु मगर, भक्त दर्लामी मगर, यम कुमार जर्गा मगर, कुल कुमारी आले मगर, चोली माया पाटा मगर, राजकुमार थापा मगर, कमला झाकोटे मगर, पुष्पराज थापा मगर, सुष्मा राना मगर र मीना गुर्मछान मगर लगायत २३ जना रहेका छन् ।
यसअघि पाँचौ जिल्ला अधिवेशनको उदघाटन नेपाल मगर संघका पूर्व अध्यक्ष झक बहादुर थापा मगरले गरेका थिए । उदघाटन सत्रमा नेपाल मगर संघकी केन्द्रीय सदस्य देवी श्रीष मगर, पर्सा अध्यक्ष कमल बहादुर पिठाकोटे मगर, मगर युवा संघका अशोक सारु मगर, आदिवासी जनजाति महासंघ बाराका अध्यक्ष रुपलाल चौधरी, एमाओवादी बाराका अध्यक्ष जयराम दाहाल लगायतले शुभकामना मन्तव्य व्यक्त गरेका थिए ।
उदघाटन सत्रमा लोकगायक सुर्य पूर्वछाने र रञ्जिता थापामगरले विभिन्न चर्चित गीतहरुले मनोरञ्जन प्रदान गरेका थिए । उदघाटन सत्र अघि विभिन्न मगर भेषभुषामा सजिएका मगरहरुले झाँकी सहित बाराको पथलैया बजार परिक्रमा गरी पुनः पथलैया स्थित नेपाल राष्ट्रिय उच्च माविमा पुगेर सभामा परिणत भएको थियो ।
