काठमाडौ ७ फागुन ।
नेकपा एमाले निकट विद्यार्थी संगठन अनेरास्ववियुको आगामी नेतृत्व चयनका लागि भएको निर्वाचनको मतगणना आज हुदैछ ।
एमाले पार्टी केन्द्रिय कार्यलय दुम्बाराहीमा बिहान ११ बजेपछि मतगणना सुरु हुने अनेरास्ववियुले जनाएको छ । साँझसम्ममा मतपरिणाम सार्वजनिक गर्ने महासचिवका प्रत्यसी अब्दुल हुसेन खानले जानकारी दिनुभयो ।
अनेरास्ववियुको आगामी नेतृत्वका लागि राजधानीको कमलादीस्थित प्रज्ञाप्रतिस्ठानमा मतदान भएको थियो । पदाधिकारीसहित एक सय ४१ केन्द्रिय सदस्य चयनका लागि एक हजार ५ सय भन्दा बढी प्रतिनिधिले मतदान गरेको निर्वाचन समितिले जनाएको छ ।
नयाँ नेतृत्वका लागि संस्थापन पक्षबाट नबिना लामा र नेता माधवकुमार नेपाल पक्षबाट दिपक गौतम प्यानल बनाएर प्रतिस्पर्धामा थिए । प्रतिनिधि विवादका कारण बन्द सत्र अवरुद्ध भएपछि राष्ट्रिय सम्मलेन सुरु भएको एक सातापछि मात्र मतदान भएको हो ।
