काठमाडौं, ६ फागुन ।
बुटवलमा सवारी दुर्घटना हुदा तीन जनाको मृत्यु भएको छ । अन्य २० जना घाइते भएका छन् ।
गएराति पूर्वपश्चिम राजमार्ग अन्तर्गत रुपन्देहीको बुटवल–१५ ढवाहामा रोकिराखेको जन्तीसवार लु १ ख ४१९५ नम्बरको बसलाई पछाडीबाट आएको बा १३ च ३०६३ नम्बरको जीपले ठक्कर दिँदा स्वो दुर्घटना भएको हो ।
दुर्घटना परि जिपमा सवार दुई जनाको घटनास्थलमै र एक जनाको उपचारको क्रममा मृत्यु भएको क्षेत्रीय ट्राफिक प्रहरी कार्यालय बुटवलले जनाएको छ ।
मृत्यु हुनेमध्ये दाङ लालमटिया– ८ की ५ वर्षीया बालीका पवित्रा घर्ति, नवलपरासी रतपुर छ का २२ बर्षीया दुर्गा सारु र सोहि ठाउका २३ बर्षीया दिनेश सिञ्जाली रहेका छन ।
घाइतेहरुमध्ये चार जनाको अवस्था गम्भिर रहेको र उनिहरुको भरतपुरस्थित चितवन मेडिकल कलेजमा उपचार भइरहेकोे छ ।
यस्तै काठमाडौंबाट सिन्धुपाल्चोकको कात्तिके जाँदै गरेको बा २ ख २७०२ नम्बरको यात्रु बस बराम्ची गाविसको गुह्यखोलामा हिजो राति नै दुर्घटना हुँदा २ जनाको मृत्यु भएको छ ।
इलाका प्रहरी कार्यालय जलवीरेका अनुसार मृत्यु हुनेहरूमा सिन्धुपाल्चोक गुम्बा गाविस–६ की ४६ वर्षीया माइली तामाङ र बराम्ची गाविस–६ का बाबा साङबो तामाङ छन्।
घाइते ८ जनालाई उपचारका लागि काठमाडौं ल्याइएकोमा २ को अवस्था गम्भीर रहेको बताइएको छ ।
