काठमाडौ ४ फागुन ।
गत वैशाख १२ को विनाशकारी भूकम्पबाट क्षतिग्रस्त राष्ट्रिय सम्पदा तथा ऐतिहासिक धरोहरको पुनर्निर्माणका लागि सरकारले आजबाट एतिहासिक धरोहर पुनरनिर्माण राष्ट्रिय संकल्प अभियान सुरु गर्दैछ ।
अभियानको आज अपरान्न चार बजे सुन्धारास्थित पहिले धरहरा भएको स्थानबाट प्रधानमन्त्री केपी शर्मा ओलीले उद्घाटन गर्नुहुने कार्यक्रम रहेको संस्कृति, पर्यटन तथा नागरिक उड्डयनमन्त्री आनन्दप्रसाद पोखरेलले जानकारी दिनुभयो ।
भूकम्पबाट ध्वस्त एतिहासिक महत्वका सम्पदा पुनरनिर्माणमा नागरिक सहयोग लिन संस्कृति, पर्यटन तथा नागरिक उड्डयन मन्त्रालयको संयोजकत्वमा राष्ट्रिय संकल्प उदुघोष गर्न लागेको हो ।
भूकम्पका कारण क्षतिग्रस्त राष्ट्रिय सम्पदा निर्माणका क्रममा सरकारले धरहरा निर्माणका लागि सार्वजनिक आह्वान गर्ने तयारी समेत गरेको छ ।
पुरातत्व विभागका अनुसार वैशाख १२ को भूकम्पले मुलुकभर १२ अर्व रुपैयाँ बराबारको सम्पदा ध्वस्त बनाएको छ । त्यसमध्ये सबैभन्दा धेरै उपत्यकामा क्षतिग्रस्त भएका छन् ।
