फागुण १ लाई माओवादीले युद्धकाल र त्यसको केही समय पछि सम्म एउटा उत्सव र स्मृतिको रुपमा मनाउदै आएको थियो । तर पछिल्ला वर्षहरुमा विस्तारै माओवादीको विभाजन र आन्दोलनमा देखिएको कमजोरीसगै यस्तो जनयुद्ध दिवसको चर्चा समेत कम हुदै आएको छ ।
यस पटक भने चर्चा भिन्नै तरीकाले शुरु भएको छ । यो वर्ष मात्रै २०६९ सालमा अलग्गिएको वैद्य माओवादी विभाजन र एमाओवादीबाट बाबुराम भट्टराई अलग्गिए पछि कसले कसरी मनाउने हो जनयुद्ध दिवस भन्ने चासो छ ।
यसै सन्दर्भमा जनयुद्धका राजनीतिक अर्थशास्त्रीका रुपमा परिचित बाबुराम भट्टराईले भने अबदेखि जनयुद्ध दिवस नमनाउने भएका छन् ।
बाबुराम भट्टराईले न‘या शक्ति गठन गरेर त्यसको संयोजक बने पछि पहिलो पटक जनयुद्ध दिवसलाई औपचारीक रुपमा कुनै कार्यक्रम नगर्ने जनाएका हुन् ।
नया शक्तिका प्रवक्ता खिमलाल देवकोटाले मिर्मिरेसग‘ भन्नु भयो “ पहिला जनयुद्ध जरुरी थियो तर अब आर्थिक सम्वृद्धिको खॉचो छ । आर्थिक सम्वृद्धि पछि मात्रै जनयुद्धको लक्ष्य पुरा हुने भएकाले दिवस मात्र सम्झेर हुदैन ” ।
देवकोटाले फागुण १ का सन्दर्भमा कुनै औपचारीक कार्यक्रम नहुने तर शनिबार बिहान सम्म कुनै सन्देश दिने बारेमा छलफल हुने बताउनु भयो ।
संस्थापन अर्थात प्रचण्ड नेतृत्वको एकीकृत माओवादीले शनिबार दि‘उसो १ बजे पेरिसडाडामा कार्यक्रम गर्ने सो पार्टीका नेताहरुले जनाएका छन् ।
यसै गरी प्रदेश स्तरमा पनि कार्यक्रम हुने उनीहरुको भनाई छ ।
यसै गरी वैद्य नेतृत्वको क्रान्तिकारी माओवादीले शनिबार देशै भर नगर र गाउ स्तरमा कार्यक्रम गर्ने जनाएको छ ।
सो पार्टीका प्रवक्ता पम्फा भुषालले काठमाण्डौंमा हुने कार्यक्रममा पार्टी अध्यक्ष मोहन बैद्य उपस्थित हुने जानकारी दिनु भयो ।
यस्तै विप्लव नेतृत्वको नेकपा माओवादीले राजधानीमा मार्चपास गर्ने भएको छ ।
राजधानीमा युवाहरुको बिशेश मार्चपास हुने सो पार्टीको युवा जनस्वयंसेवकका अध्यक्ष झक बहादुर मल्लले जानकारी दिनु भयो ।
यसै गरी मातृका यादव र मणि थापाले नेतृत्व गरेका साना माओवादी पार्टीहरुले पनि केही कार्यक्रमहरु गर्ने जनाईएको छ ।
२०५२ साल फागुण १ गते देखि २०६३ साल सम्म भएको जनयुद्धको क्रममा १७ हजार भन्दा बढी मानिसको मृत्यु भएको थियो ।
