गोरखापत्रको जन्म सुधारवादी राणा प्रधानमन्त्री देवशम्शेर जबराको सत्प्रयासबाट १९५८ वैशाख २४ गते भएको हो । यो नेपाली भाषामा प्रकाशित पहिलो समाचारपत्र हो । विसं १९५८ देखि निरन्तर प्रकाशित गोरखापत्र अहिले गणतन्त्र नेपालको बहुुुभाषी राष्ट्रिय दैनिकको रूपमा चर्चित छ ।

गोरखापत्रको पहिलो प्रकाशनलाई महत्व दिएर त्यसको प्रकाशनको दिन पत्रकारिता दिवस मनाउनेबारे नेपाल पत्रकार महासङ्घ, प्रेस काउन्सिल नेपाल, सूचना विभागलगायतका निकायसँग छलफल भइरहेको सूचना विभागका महानिर्देशक लक्ष्मीविलास कोइरालाले जानकारी दिनुभयो ।

सो दिवस मनाउनेबारे छलफल प्रारम्भ भएको र अहिलेसम्मको छलफल दिवस मनाउनेतर्फ केन्द्रित भएको उहाँको भनाइ छ ।

“पत्रकारिता क्षेत्रमा आजसम्म कुनै राष्ट्रिय दिवस नभएको अवस्थामा मुलुककै पहिलो (जेठो) पत्रिका, पत्रकारिताको ऐतिकासिक धरोहर, पत्रकारिताको शिक्षण संस्थाका रूपमा विकसित, प्रजातन्त्रको सुनिश्चिततासँगै जनतालाई सुसूचित गर्ने कार्यमा ठूलो योगदान पु¥याउने गोरखापत्रको पहिलो अङ्क प्रकाशन भएको दिन राष्ट्रिय पत्रकारिता दिवस मनाउने प्रसङ्ग उचित छ”, महानिर्देशक कोइरालाले भन्नुभयो ।
नेपाल पत्रकार महासङ्घका अध्यक्ष डा महेन्द्र विष्टले अन्तर्राष्ट्रिय प्रेस स्वतन्त्रता दिवस मनाउने गरिए पनि छुट्टै राष्ट्रिय पत्रकारिता दिवस नमनाएको सन्दर्भमा राष्ट्रिय पत्रकारिता दिवस मनाउनेबारे राज्यका तर्फबाट घोषणा गर्ने तयारी गर्नु सकारात्मक पक्ष हो, त्यसलाई आवश्यक छलफल गरेर टुङ्गोमा पु¥याउनु उपयक्त हुन्छ भन्नुभयो ।

प्रेस काउन्सिल नेपालका अध्यक्ष वोर्णबहादुर कार्कीले पत्रकारिता क्षेत्रलाई प्रोत्साहन गर्न यो दिवस महत्वपूर्ण हुने धारणा राख्नुहुन्छ । उहाँले भन्नुभयो–“लोकतन्त्रको संस्थागत विकासमा पत्रकारिता जगत्को महत्वपूर्ण भूमिका हुन्छ, त्यसैले पत्रकारिता क्षेत्रलाई प्रोत्साहन गर्न दिवस मनाउनु उचित हुन्छ ।”

प्रा पी खरेलले राष्ट्रिय पत्रकारिता दिवस मनाउने विषय कतिपय मुलुकमा रहेको तर हाम्रो देशको संविधानले राष्ट्रिय पत्रकारिता दिवस मनाउन खुल्ला गरेकाले अझै सरकारले नै घोषणा गर्नु धेरै राम्रो हुने बताउनुहुन्छ । “हाम्रो संविधान कुनै पनि पश्चिमा प्रजातान्त्रिक मुलुकको संविधानभन्दा कम छैन, संविधानले नै प्रेस स्वतन्त्रताबारे स्पष्ट गरेको सन्दर्भमा पनि यो दिवस मनाउनुपर्छ”–उहाँले भन्नुभयो ।
प्रा खरेलको भनाइमा दक्षिण एसियामै एक सय वर्ष नाघेका पत्रिका कम छन्, त्यस अर्थमा पनि गोरखापत्रको जन्म दिनको दिन पत्रकारिता दिवस मनाउनु अति उत्तम हुन्छ ।

महानिर्देशन कोइरालाले सो पत्रकारिता दिवसले पत्रकारिताको क्षेत्रमा भए÷गरेका कार्यको समीक्षा गर्न, पत्रकारिताको विकासलाई टेवा पु¥याउन, पत्रकार र सञ्चार गृहको सम्मान गर्दै मर्यादित उत्तरदायी र व्यावसायिक पत्रकारिताको विकासमा टेवा पु¥याउने विश्वास व्यक्त गर्नुभयो ।

राष्ट्रिय सूचना आयोगका आयुक्त यशोधा तिम्लिसिनाले अन्य दिवसहरू मनाइरहँदा पत्रकारिता दिवस मनाउनु अत्यन्त सकारात्मक हुने धारणा राख्नुभयो ।