काठमाडौ, २७ माघ ।
मस्तिष्का घात भएपछि थप उपचारका लागी नेपाली कांग्रेसका नेता तथा पूर्वमन्त्री नरहरि आचार्यलाई दिल्ली लैजाने तयारी गरिएको छ ।
उहाको स्वास्थ्य अवस्थाका विषयमा जानकारी लिए पछि दिल्ली लाने विषयमा तय हुने बताइएको छ । भारतका लागि नेपाली राजदुत दिपकुमार उपाध्यायले त्यसको समुन्वय गरिरहनु भएको छ ।
आचार्यको अहिले स्थिर अवस्थामा बाँसबारी स्थित न्युरो अस्पतालमा उपचार भइरहेको छ । मस्तिष्काको बाँया तर्फ रगत जमेकाले तत्काल शल्यक्रिया गर्न सम्भव नभएपछि स्थिर अवस्थामा नै उपचार भइरहेको अस्पताल स्रोतले जनाएको छ ।
महाराजगन्जमा स्वर्गीय सुशिल कोइरालालाई श्रद्धान्जली दिएर फर्किने क्रममा उहाँ अचानक बेहोस भएर ढल्नुभएको थियो । २५ वर्षदेखि उच्च रक्तचापको समस्या भोगिरहनु भएका आचार्यलाई हिजो बिहानदेखि बोल्न समेत समस्या भएको उपचारमा संलग्न चिकित्सकले बताएका छन् ।
