नुवाकोट,२३ माघ ।
नुवाकोटको मदानपुर ८ जोगीभीरमा माइक्रोबस दुर्घटना हुँदा तालिमरत ८ जना सैनिकको मृत्यु भएको छ ।
नुवाकोटको मदनपुर गाविसस्थित केउरेनीमा बा१ज ७५८३ नम्बरको माइक्रोबस दिउँसो दुर्घटना हुँदा १५ जना घाइते भएका छन् । काठमाडौंबाट त्रिशुली आउँदै गरेको पासाङल्हामुमार्ग अन्तर्गत काठमाडौ(त्रिशुली सडकस्थित जोगीभीरमा माइक्रोकस दुर्घटनाग्रस्त भएको हो ।
मृतकहरु अधिकांश तालिमे सैनिक रहेको जिल्ला प्रहरी प्रमुख नायव उपरीक्षक सिद्धिविक्रम शाहले जानकारी दिनुभयो । दुर्घटना परी घाइते भएका ६ जनाको स्थिति गम्भीर रहेको छ । घाइतेहरुको उपचारको लागि काठमाडौं ल्याइएको छ ।
माइक्रोबस सडकबाट ५ सय फिट तल खसेको छ । नेपाल प्रहरी र स्थानीयहरुले दुर्घटनामा परेकाहरुको उदारकार्य गरिरहेका छन् । मृतकको नाम अहिलेसम्म खुलाईएको छैन । घटनापछि उद्धार गरेर पाँचजनालाई उपचारका लागि हेलिकोप्टरबाट काठमाडौं लगिएको जिल्ला प्रहरी कार्यालय नुवाकोटले जनाएको छ ।
