काठमाडौं,१९ माघ ।

नेपाल आयल निगमले आज काठमाडौं उपत्यकामा सर्वसाधारणका लागि मट्टितेल बिक्री वितरण गर्ने तयारी गरेको छ ।

आज ९ बजेदेखि ३६ वटा डिपोबाट १ लाख ८ हजार लिटर मट्टितेल वितरण गर्न लागेको आयल निगमले जनाएको छ ।

निगमले २ महिनापछि सर्वसाधारणका लागि मट्टितेल बेच्न लागेको हो । यसअघि मंसिर ४ र १३ गते काठमाडौंमा मट्टितेल वितरण भएको थियो ।

आयल निगमको काठमाडौंस्थित थानकोट डिपोमा मात्रै झण्डै ४ लाख ७० हजार लिटर मट्टितेल मौज्दात छ ।

अत्यावश्यक र सुरक्षाका लागि मौज्दात बढाउने बाहनामा निगमले ठूलो परिमाणमा मट्टितेल भण्डार गरिसक्दा पनि वितरणमा चासो नदेखाएको भन्दै आलोचना भएको थियो ।

ग्यास र मटितेल नपाएपछि धेरै उपभोक्ता दाउरामा भर परेका छन् भने कतिपय ब्ल्याकमा डिजेल किनेर जोखिमयुक्त स्टोभ बालिरहेका छन् ।

भिसाको उद्देश्य विपरीत काम गर्ने १० विदेशी नागरिक निष्कासित, तीन वर्ष नेपाल प्रवेशमा प्रतिबन्ध

आज पश्चिमी वायुको आंशिक प्रभाव, पहाडी क्षेत्रमा हल्का वर्षा

भारतबाट मोटरसाइकलमा गोप्य ठाउँ बनाई ल्याइएको ३० लाखसहित एक जना पक्राउ, गौरको व्यापारिक प्रतिष्ठानबाट थप १४ लाख बरामद

वीरगञ्जमा ७ लाख रुपैयाँ बराबरका अवैध पटाका खाल्डोमा पुरेर नष्ट

‘प्रहरी र नागरिकबीचको दूरी अन्त्य होस्’

प्रदेश प्रमुखसमक्ष आदिवासी जनजाति आयोगको सातौँ वार्षिक प्रतिवेदन पेश