कञ्चनपुर, १७ माघ ।
विपन्न वर्गको आयस्तरमा सुधार गर्नका लागि स्थापना गरिएको नवीकरण बचत तथा ऋण सहकारी संस्था लिमिटेड झलारी कञ्चनपुरले रु एक करोड ७९ लाख ६२ हजार ६ सय ९८ रकम व्यवसाय विस्तारका लागि प्रदान गरेको छ ।
एक वर्षको अवधिमै सहकारीमा आबद्ध ७ सय ९ जना सदस्यलाई व्यवसाय विस्तार गर्न ऋणका रुपमा सो रकम उपलब्ध गराएको हो ।
व्यावसायिक कृषि कार्य गर्नका लागि सहकारीले रु ६९ लाख २२ हजार ५ सय र अन्य व्यवसायका लागि रु ८० लाख ९६ हजार ३ सय ७० रकम परिचालन गरिएको सहकारीका अध्यक्ष धनबहादुर चौधरीले बताउनुभयो ।
सहकारीमा आबद्ध एक हजार ३ सय ९५ सदस्यको रु एक करोड ९६ लाख १० हजार ३ सय ५७ रहेको छ ।
सहकारीमा आबद्ध विपन्न परिवारका घर निर्माणका लागि रु १५ लाख २५ हजार, शिक्षाका लागि रु सात लाख ७१ हजार ५ सय र आपत्कालीन कार्यका लागि रु छ लाख ४८ हजार ३ सय २८ रकम परिचालन गरेको छ ।
