काठमाडौँ, १२ माघ ।
नेपाल प्रेस युनियनले युनियनका केन्द्रीय सदस्य हिरालाल विश्वकर्मामाथि गए राति भएको आक्रमणको भत्सर्ना गर्दै दोषीमाथि कारबाहीको माग गरेको छ ।
‘हिमालय टाइम्स’ दैनिकमा कार्यरत पत्रकार विश्वकर्मामाथि कार्यालयबाट घर फर्कने क्रममा सोमबार राति ९।३० बजे मध्यबानेश्वरमा केही अज्ञात व्यक्तिले आक्रमण गरेको युनियनका महासचिव अजयबाबु शिवकोटीद्वारा आज जारी जिज्ञप्तिमा जनाइएको छ ।
पाँच÷छ जनाको सङ्ख्यामा रहेका आक्रमणकारीले विश्वकर्मालाई पछाडिबाट आक्रमण गरी लडाएपछि उहाँका साथमा रहेको पर्स, केही रकम र महत्वपूर्ण कागजात समेत लुटेर लगेको विज्ञप्तिमा उल्लेख छ । घाइते विश्वकर्मालाई राति नै अस्पताल लगिएको र उहाँलाई केही दिनका लागि आरा मगर्न चिकित्सकले सल्लाह दिएको जनाइएको छ ।
युनियनले दोषीको पहिचान गरी कारबाहीको दायरामा ल्याउन सरकारसँग माग गरेको छ ।
