बुकवर्म फाउन्डेसनको आयोजना एवम् ¥यान्डम रिडर्स सोसाइटीको सहआयोजनामा हुने सो साहित्य महोत्सव सम्बन्धमा जानकारी गराउने उद्देश्यले आइतबार यहाँ आयोजित पत्रकार भेटघाट कार्यक्रममा ¥यान्डम रिडर्स सोसाइटीका अध्यक्ष उपेन्द्र पौडेलले महोत्सव तीन दिनसम्म चल्ने बताउनुभयो ।

उहाँका अनुसार सन् २०११ देखि सुरु भएको महोत्सव काठमाडौँमा हुँदै आएको र यसले साहित्यका विविध आयामका साथै दैनिक जीवनसँग प्रत्यक्ष सरोकार राख्ने राजनीतिक, सामाजिक, सांस्कृतिक, आर्थिक विषयमा छलफल, बहस गर्दै आएको उल्लेख गर्नुभयो ।

महोत्सव निर्देशक अजित बरालले पर्यटकीय नगरीलाई सांस्कृतिक रुपले पनि सुन्दर बनाउन नेपाल लिटरेचर फेस्टिभल पोखरामा गर्न लागिएको बताउनुभयो ।

¥यान्डम रिडर्स सोसाइटीका उपाध्यक्ष केशवशरण लामिछानेका अनुसार फेस्टिभलमा नेपाल तथा भारतका विभिन्न लेखक तथा साहित्यकारको प्रस्तुति रहनेछ ।

साहित्य, कला, सङ्गीतका विविधपक्षमा बहस एवम् चर्चा हुने फेस्टिभलले पोखराको पर्यटनलाई केही मात्रामा भएपनि सकारात्मक प्रभाव पार्ने विश्वास लिइएको छ । रासस