काठमाण्डौ, १० माघ ।
मधेसी जनता पार्टिले हालै गरिएको संविधान संसोधनले मधेसी आन्दोलनको माग सम्बोधन नभएको ठहर गरेको छ ।
पार्टिका राष्ट्रिय संयोजक महेश कलवारद्धारा आज जारी गरिएको प्रेस विज्ञप्तिमा भनिएको छ, यदि जो कोही मधेसी पार्टिले यो संसोधित संविधानलाई स्वागत गर्छ भने त्यो पक्ष आत्मसमर्पणवादी र चिन्तनवादी सोचवाट ग्रसित छ ।
जनता पार्टिले संयुक्त लोकतान्त्रिक मधेसी मोर्चाको पनि राजनितिक आधार समाप्त भईसकेको बताउँदेै मधेस आन्दोलन अधिकार प्रप्तिभन्दा बढि सत्तामुखि, भारतमुखि भएको र आन्दोलन मधेसका लागि नभई भारतको निजि स्वार्थ पुर्तिका भएको आरोप लगाएको छ ।
यस्तै रंगेली घटनाको न्यायिक छानविनका साथै संसोधन विधेयक पारित गरेको विरुद्धमा संविधान पुनर्लेखनको जोडदार मागका साथै वर्तमान सरकारको तत्काल राजिनामाको माग गर्दै आन्दोलनका कार्यक्रम समेत घोषणा गरेको छ ।
जस अनुसार माघ १५ गते बेलुका काठमाण्डौ लगायत मधेसका सम्पुर्ण जिल्लामा मसाल जुलुस गर्ने, माघ १६ गते काठमाण्डौ उपत्यका लगायत मधेसका सम्पुर्ण जिल्लामा आमहडताल गर्ने जारि विज्ञप्तिमा जनाईएको छ ।
