काठमाण्डौ, २ माघ ।
एसियाली पूर्वाधार विकास बैंक ब्क्ष्क्ष्द्य को सञ्चालक समितिको सदस्यमा नेपाल छनौट भएको छ ।
चीनको बेइजिङमा जारी सो बैंकको सम्मेलनले सञ्चालक समितिमा नेपाल सहित एसियाबाट ९ र गैह्र क्षेत्रीय देशबाट २ वटा मुलुक छानेको हो ।
जसमा एसियाबाट नेपाल सहित चीन, युएई, इन्डोनेसिया, अष्ट्रेलिया, रसिया, भारत, दक्षिण कोरिया र टर्की तथा एसिया बाहिरबाट बेलायत र जर्मनी बैंकको सदस्य बनेका हुन् ।
सम्मेलनमा सहभागी ५७ देशका मन्त्री तथा प्रतिनिधिले संयुक्त रुपमा स्विच अन गरी बैंकको उद्घाटन गरेका थिए ।
सम्मेलनलाई सम्बोधन गर्दै अर्थमन्त्री विष्णु पौडेलले एसियाली पूर्वाधार विकास बैंंकमार्फत भौतिक आवश्यकता पूरा गर्दै सामाजिक, आर्थिक विकासका निम्ति नेपाल सक्रिय रुपमा सहभागी हुने बताउनुभयो ।
बैंकको गतिविधिमा नेपाल सघन ढंगले सहभागी हुने उल्लेख गर्दै मन्त्री पौडेलले बैंकको स्थापनाले एसियाको विकासमा महत्वपूर्ण सहयोग पुग्ने विश्वास व्यक्त गर्नुभयो । आज शुरु भएको सम्मेलन पर्सि सोमबारसम्म हुने छ ।
