म्याग्दी, २७ पुस ।
बेनी नगरपालिकाले आगामी आव २०७३७४ मा सञ्चालन गर्ने विकास योजना तथा कार्यक्रमका लागि रु चार करोड ६३ लाख ४७ हजार बजेट प्रस्ताव गरेको छ ।
बेनी नगरपालिकाको तेस्रो नगर परिषद्मा पूँजीगततर्फ रु तीन करोड एक लाख तीन हजार र चालुतर्फ रु एक करोड ६२ लाख ४४ हजार बराबरको बजेट प्रस्ताव गरिएको छ ।
पूँजीगततर्फ सरकारको केन्द्रीय निःशर्त अनुदान रु एक करोड ७१ लाख ६० हजार, आन्तरिक स्रोतबाट रु तीस लाख, स्थानीय विकास शुल्क कोषको रु ८७ लाख ४३ हजार र सडक बोर्ड नेपालबाट रु १२ लाख बजेट प्राप्त हुने अनुमान गरिएको नगरपालिकाका कार्यकारी अधिकृत नेत्रप्रसाद पौडेलले जानकारी दिनुभयो ।
त्यस्तै चालुतर्फ सरकारको अनुदान रु ५० लाख, आन्तरिक स्रोतबाट रु ९० लाख र स्थानीय शासन सामुदायिक विकास कार्यक्रमतर्फ रु २२ लाख ४४ हजार खर्च हुने अनुमान गरिएको छ ।
नगरपालिकाले आगामी आवमा फोहोर व्यवस्थापनका लागि ल्यान्डफिल साइट निर्माण गर्ने, सडक गुरुयोजना तयार गर्ने, कृषि, पशुपालन, शिक्षा, स्वास्थ्य, आमसञ्चार, सडक, खानेपानी, पर्यटन प्रर्वद्धनलगायतका योजनालाई प्राथमिकता दिइएको छ
