काठमाडौ १४ पौष ।  नेकपा एमाले सर्लाही जिल्ला कमिटीका सदस्य रामनरेश रायको आज बिहान हत्या भएको हो ।

आज बिहान मर्निङ वाकमा जानु भएका ६२ वर्षीय रायको हेमपुर गाविस वडा नम्बर ७ मा खुर्सानीको धूलो छर्केर धारिलो हतियार प्रहार गरी हत्या गरिएको प्रहरीले जनाएको छ ।

हेमपुर गाविसका दुईपटक निर्वाचित अध्यक्ष तथा जिल्ला विकास समिति सदस्य रहिसक्नु भएका राय पछिल्लो पटक पार्टीको निर्णय बमोजिम मधेसमा संविधानबारे जनतालाई बुझाउने अभियानका क्रममा सर्लाहीमा हुनुहुन्थ्यो ।

हत्याको कारण खुल्न सकेको छैन । रायको हत्या रहस्यमय रहेको एमाले सर्लाही जिल्ला कमिटी सदस्य गणेश प्रसाईले बताउनुभयो । घटनाको बारेमा अनुसन्धान जारी रहेको प्रहरीले जनाएको छ ।

यसैबीच एमाले सचिव योगेश भट्टराईले विज्ञप्ति जारी गर्दै हत्याको अनुसन्धान गरी दोषीमाथि कडा कारवाहीको माग गर्नुभएको छ ।

आज पश्चिमी वायुको आंशिक प्रभाव, पहाडी क्षेत्रमा हल्का वर्षा

भारतबाट मोटरसाइकलमा गोप्य ठाउँ बनाई ल्याइएको ३० लाखसहित एक जना पक्राउ, गौरको व्यापारिक प्रतिष्ठानबाट थप १४ लाख बरामद

वीरगञ्जमा ७ लाख रुपैयाँ बराबरका अवैध पटाका खाल्डोमा पुरेर नष्ट

‘प्रहरी र नागरिकबीचको दूरी अन्त्य होस्’

प्रदेश प्रमुखसमक्ष आदिवासी जनजाति आयोगको सातौँ वार्षिक प्रतिवेदन पेश

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त महानिरीक्षक केसी