काठमाण्डौ ,१२ पुस ।
प्रधानमन्त्री केपी ओली र एकीकृत माओबादीका अध्यक्ष पुुष्पकमल दाहालबीच आन्दोलनरत मधेसी मोर्चाका माग सम्बोधनबारे छलफल भईरहेको छ ।
बालुवाटारमा जारी बैठकमा मोर्चाले उठाएका मागबारे सरकारमा सहभागी मुख्य दलको साझा धारणा बनाएर अघि बढ्ने बिषयमा छलफल भईरहेको छ ।
प्रमुख प्रतिपक्षी कंग्रेस र मोर्चासंग हिजो छलफल गरेका अध्यक्ष दाहालले आज प्रधानमन्त्री ओलीलाइ भेटन लाग्नुभएको हो । बैठकमा आज सरकारको धारणा आएपछि थप छलफल अघि बढाउने सहमति भएको थियो ।
प्रतिपक्षी दलसंग एकिकृत माओबादीले साझा धारणा बनाउन प्रयास गरेपछि सरकारको नेतृत्व गरेको दल एमालेलाइ दवाव बढेको छ ।
आज दिनभर हुने द्धिपक्षीय र त्रिपक्षीय छलफल सकारात्मक भए मोर्चाका माग सम्बोधनका लागि कार्यदल गठनको तयारी भएको छ ।
संसदमा पेश भएको संबिधान संशोधन बिधेयकको भाषा परिमार्जन गरी अघि बढाउने र सिमाङकन परिमार्जन लगायतका बिषयमा छलफल जारी राख्नेबारे छलफल केन्द्रित छ । मधेसी मोर्चाले भने सिमाङकन परिमार्जनको बिषय पनि अहिलेनै समाधान गर्नुपर्ने अडान राख्दै आएको छ ।
