काठमाडौ २ पौष ।
नेपालमा वैशाख १२ गते गोरखाको बारपाक केन्द्र बनाएर गएको ७ दशमलव ८ रेक्टर स्केलको भूकम्पको प्रभाव आंकलन गरिए भन्दा निकै कम भएको भूगर्भ्विदले बताएका छन् ।
नेपालमा गएको भूकम्प र त्यसको प्रभाव विषयमा अनुसन्धान गरेको अन्तर्रा्ष्ट्रिय वैज्ञानिकको एक समुहले प्रकाशित गरेको अनुगमन रिर्पोटमा आंकलन गरिएभन्दा कम क्षति भएको उल्लेख छ ।
अमेरिकाको एरिजोना विश्वविद्यालयका प्राध्यापक वैज्ञानिक जेफ्री कार्गलको नेतृत्वमा विश्वका विभिन्न भूगर्भ्विदले गरेको अध्ययनको प्रतिवेदन साइन्स म्यागजिनमा प्रकाशित भएको छ ।
अमेरिकाको सन फ्रान्सेन्सकोमा भएको अमेरिकन जियोलोजिकल युनिएनको बैठकमा अनुसन्धानको प्रतिवेदन पेश गरिएको छ । भूकम्पपछि त्यसकै कारण १० हजार भन्दा धेरै पहिरो जाने र त्यसले थप क्षति र्पुयाउने अनुमान गरिएकोमा चार हजार तीन सय १२ वटा मात्रै पहिरो गएको वैज्ञानिकले बताएका छन् ।
भूकम्पका कारण साढे ८ हजार भन्दा धेरै मानिसको ज्यान गएको भएपनि यो भूकम्पले पार्न सक्ने प्रभाव भन्दा निकै कम रहेको उनीहरुको भनाई छ । यस्तै भूकम्पका कारण विभिन्न हिमतालमा प्रभाव पर्ने वा ती हिमताल फुट्ने खतरा रहेको वैज्ञानिकले बताएका थिए ।
