काठमडौ १ पौष । राष्ट्रपति विद्यादेवी भण्डारी आज मिथिलाञ्चलको ऐतिहासिक राजजानकी विवाह पञ्चमी महोत्सवमा सहभागी हुन जनकपुर जादै हुनुहुन्छ ।
राष्ट्रपति भण्डारीसँगै प्रधानसेनापति राजेन्द्र क्षेत्री, नेपालका लागि भारतीय राजदूत रणजित राय लगायत अन्य विशिष्ट व्यक्तिहरु पनि जनकपूर जाने कार्यक्रम रहेको छ ।
राष्ट्रपति भण्डारीले विवाहपञ्चमीको अवसरमा जनकपुरस्थित ऐतिहासिक तथा धार्मिक महत्वको जानकी मन्दिरमा पूजा–अर्चना गर्ने कार्यक्रम रहेको प्रमुख जिल्ला अधिकारी कालीप्रसाद पराजुलीले बताउनुभयो ।
यसैबीच तराईमा आन्दोलनरत संयुक्र लोकतान्त्रिक मधेशी मोर्चाले भने राष्ट्रपति विरुद्ध प्रदर्शन गर्ने तयारी गरेको छ । आन्दोलनरत मोर्चा आवद्ध विभिन्न दलको हिजो साँझ बसेको बैठकले राष्ट्रपतिको विरोध गर्ने निर्णय गरेको सद्धभावनाका जिल्ला अध्यक्ष सन्जय कुमार शाहले बताउनुभयो ।
उनीहरुले विरोध स्वरुप घरमा कालो झन्डा राखेका छन् । राष्ट्रपतिको भ्रमणलाई मध्यनजर गर्दै जिल्लाको सुरक्षा व्यवस्था कडा पारिएको प्रमुख जिल्ला अधिकारी पराजुलीले बताउनु भयो ।
